LA TAHONA DEL CAMINO

Desde neno aprendeu observando á súa nai e á súa tía elaborar antigas receitas herdadas da súa avoa. Hoxe mantén viva esa tradición con doces como o mamoul, o baklavá, o mostachudo ou as hamantashen, vinculados a séculos de historia, celebracións e cultura hebrea.

Nunha vila cunha herdanza xudía tan importante como Ribadavia, as súas elaboracións permiten descubrir sabores que forman parte desa memoria colectiva. Todo se prepara de maneira rigorosamente artesanal, respectando técnicas e ingredientes tradicionais.

Non é casualidade que Chema sexa tamén pintor e acuarelista. Para el, a repostaría e a arte comparten o mesmo proceso: paciencia, creatividade e o desexo de emocionar.

Ao cruzar a porta da Tahona do Camiño atoparás un espazo acolledor onde a historia, a conversa e a hospitalidade acompañan cada visita. Acompaña un doce cun viño do Ribeiro e déixate levar por unha pequena viaxe entre Galicia e a tradición sefardí.